فالودے والے کے بعد لاڑکانہ کا طالب علم بھی ارب پتی نکلا

پاکستان
32
0
sample-ad

کراچی کے فالودے والے کے بعد لاڑکانہ کے طالب علم کے نام پر بھی اربوں روپے کے ٹریڈ اکاؤنٹ کا انکشاف ہوا ہے۔
اورنگی ٹاون کے فالودہ شربت والے شہری کی طرز پر ٹریڈ اکاؤنٹ کا ایک اور کیس سامنے آگیا ہے لیکن اس بار اندرون سندھ اکاؤنٹ کھولا گیا۔
لاڑکانہ کے ایک طالب علم کے نام پر بڑی تعمیراتی کمپنی نے اکاؤنٹ کھولا اور اس اکاؤنٹ میں 14-2013 کے دوران ڈیڑھ ارب روپے کی ٹرانسیکشنز ہوئیں تاہم اب بھی اس کے اکاؤنٹ میں 3 کروڑ روپے موجود ہیں۔
اس اکاؤنٹ کی ایس ٹی آر یعنی سسپیشیس ٹرانسیکشن رپورٹ بھی فنانشل مانیٹرنگ یونٹ نے ایف آئی اے کو بھیجی تھیں، جس طالب علم کے قومی شناختی کارڈ پر اکاؤنٹ کھولا گیا، اس سے ایف آئی اے نے تحقیقات شروع کردی ہیں جب کہ منی لانڈرنگ کیس کی تحقیقات کرنے والی جے آئی ٹی نے بھی اسے طلب کرلیا ہے۔ایف آئی اے کو دیئے گئے بیان میں طالب علم نے اکاؤنٹ سے لاعلمی کا اظہار کیا ہے۔
دوسری جانب اورنگی ٹاون کے فالودے شربت والے قادر کے کیس میں بھی پیشرفت ہوئی ہے اور ایف آئی اے نے پشاور میں کارروائی کرکے 5 افراد کو حراست میں لے لیا ہے۔ پانچوں افراد حوالہ اور ہنڈی کا کام کرتے ہیں۔

sample-ad

Facebook Comments

POST A COMMENT.